नसर्ने रोग सम्बन्धि राष्ट्रिय कार्यशाला हुने
काठमाडौँ, २७ चैत । नसर्ने रोगविरुद्धको अभियानमा क्रियाशिल संस्था नेपाल एनसीडी एलायन्सले बृहत राष्ट्रिय कार्यशालाको आयोजना गर्ने भएको छ । सम्मेलनमा नसर्ने रोगसंग बाँचिरहेका व्यक्तिहरु, नसर्ने रोगविरुद्ध क्रियाशिल संस्था र सरकारका प्रतिनिधिहरुको सहभागिता हुनेछ ।
राष्ट्रिय कार्यालय गर्ने बारे आइतबार भएको तयारी बैठकमा एलायन्सका अध्यक्ष प्राडा प्रकाशराज रेग्मीले नसर्ने रोगको भयावह अवस्था रोक्न, यसविरुद्ध सचेतना बढाउन, रोग लागेका व्यक्ति, सरोकारवाला अन्य समूह एकै ठाउँमा बसेर आवश्यक कार्ययोजना बनाउने बताए । उनले यसका लागि चरणवद्ध रुपमा सरोकारवाला पक्षसंग छलफल गरी एजेण्डा तय गर्ने समेत बताए ।